当前位置:主页 > Q生活坊 >可爱 动物岛 !外形劲似动物的小岛 >

可爱 动物岛 !外形劲似动物的小岛

发布时间:2020-06-23作者: 阅读:(673)

前排同大家介绍咗意大利一个外形劲似海豚嘅小岛,正所谓No Man is an Island,似动物嘅岛又点只一个咁少啊。唔好话海豚啊,连乌龟、海马、鱼同䲔鱼都有,似嘅程度真係好令人怀疑究竟佢哋係咪投错胎!另外香港其实都有个 动物岛 ,而且唔係果啲不知名嘅小岛,而家唔开估住,到最候睇下你啱唔啱啦!

 

鱼岛、海马岛、海豚岛!! 动物岛 形状逐个数

1.克罗地亚鱼岛

去到克罗地亚,一定要去布里俄尼群岛到玩下。位于北部亚得里亚海上,由14个小岛组成。其中有好多世界重要嘅考古及文化遗址,有人曾经係到发现200个恐龙脚印!而其中一个岛因为外形太似一条鱼,所以就被称成鱼岛。

可爱 动物岛 !外形劲似动物的小岛
图片来源:metronews

2.厄瓜多尔海马岛

位于南美洲厄瓜多尔嘅加拉巴戈群岛,从高空望落去,成个岛嘅形状就好似一只海马。呢个岛就叫做伊莎贝拉岛,係邻近区域中最大面积嘅岛,由6个活盾状火山组合而成。岛上面好热闹嫁,因为生态资源十分丰富,当中最有特色嘅动物就係加拉巴戈企鹅,係独家嘅品种嚟嫁!

可爱 动物岛 !外形劲似动物的小岛
图片来源:earthobservatory

3.台湾宜兰龟山岛

位于宜兰嘅龟山岛十分出名,曾经被外国媒体认定为「全球12个最有型小岛」之一,唔通连外国人都感受到佢啲仙气?!佢係一个活火山岛,係宜兰其中一个着名嘅旅游景点,充满丰富嘅生态品种。每年3月-11月都会对外开放,等游客可以登岛感受一下龟仙人嘅灵气!岛上有好多唔同嘅导赏服务,好受游客欢迎架!

可爱 动物岛 !外形劲似动物的小岛

4.意大利海豚岛

以防有朋友遗漏咗上次我哋对海豚岛嘅介绍,就再次喺到简单介绍下呢个咁可爱嘅小岛啦!意大利南部阿马尔菲外海,有一个外形劲似海豚嘅小岛,个名叫做Sirenusa,座落喺南部卡布里岛与波西塔诺村之间。岛上面有好多度假村同酒店,海上活动好受游客欢迎!亦都有好多人专登去玩浮潜,感受一下意大利南部嘅海湾风情。

可爱 动物岛 !外形劲似动物的小岛
图片来源:whenonearth

5.菲律宾鳄鱼岛

鳄鱼岛係菲律宾最有型嘅海岛之一,远望过去好似有一只巨型鳄鱼趴係海面享受阳光浴咁。呢个岛好似鳄鱼咁,生得唔高,但係长度搭救。因为佢海水清澈,透明度高,水底下面亦有好多好多状态良好嘅珊瑚,可以睇到各种各样嘅热带鱼,所以吸引到好多浮潜爱好者嚟玩。

可爱 动物岛 !外形劲似动物的小岛
图片来源:markmaranga
本土代表!香港岛

喺开头嘅时候,透露咗香港都有一个劲似动物嘅岛。究竟係咩动物呢?就係香港成日都会见到嘅青蛙!我谂讲到呢到,都有好多人估到係香港岛啦!其实呢个讲法呢,一早就已经有架啦,不过有啲人话似,又有啲人话唔似。可能大家心目中嘅青蛙只只都唔同样啦,不过记者真係觉得几似架!

可爱 动物岛 !外形劲似动物的小岛

可爱 动物岛 !外形劲似动物的小岛

上一篇: 下一篇:

相关阅读